ស្នេហាមិនប្រកាន់វ័យ ជាប្ដីប្រពន្ធមិនគិតអាយុ ប៉ុន្តែទស្សនៈនេះត្រូវបានមហាជនភាគច្រើនច្រានចោល ដោយគិតថាមកពីទឹកលុយទៅវិញ។ ជាក់ស្ដែង គូដណ្ដឹងមួយគូនៅខេត្តកំពតបានក្លាយជាប្រធានបទរបស់អ្នកលេងបណ្ដាញសង្គម បន្ទាប់ពីមើលឃើញគម្លាតអាយុអ្នកទាំង២ ហាក់ឆ្ងាយបន្តិច។ ការភ្ជាប់ពាក្យនេះ ធ្វើឡើងនៅភូមិសុវណ្ណសាគរ ឃុំកំពង់កណ្ដាល ក្រុងកំពត ខេត្តកំពត ខណៈកូនកំលោះជាអ្នកខេត្តព្រះសីហនុ។
កាលពីប៉ុន្មានម៉ោងមុននេះ គណនី Facebook មួយឈ្មោះ
Pich Manavy បានបង្ហោះរូបភាពប៉ុន្មានសន្លឹកដោយសរសេរថា៖ “11.10.2017 ភ្ជាប់ពាក្យក្មួយស្រីនៅភូមិសុវណ្ណសាគ ខេត្តកំពតយើងនឹង. សូមអោយក្មួយទាំង2ជួបនិងសំណាងល្អៗ។”
រូបភាពពាក់ចិញ្ចៀន មានបង្ហាញទាំងលុយសុទ្ធ ២ដុំ ដែលគេអាចប្រមាណថាមានចំនួន ២ម៉ឺនដុល្លារ។ អ្វីដែលមហាជនចាប់អារម្មណ៍ គឺកូនកំលោះហាក់ចាស់បន្តិចគឺវ័យ មិនក្រោម ៤០ឆ្នាំឡើយ ឯខាងកូនក្រមុំមានវ័យប្រហែល ២០ឆ្នាំប៉ុណ្ណោះ។
ក្រោយបង្ហោះភ្លាម មានអ្នកចែករំលែក ព្រមទាំង Comment បញ្ចេញមតិផ្សេងគ្នា ដោយអ្នកខ្លះលើកឡើងថា អាយុគ្រាន់តែជាតួរលេខ ហើយបើស្រលាញ់គ្នា នោះនឹងមានសុភមង្គល។ ចំណែកអ្នកខ្លះទៀត បានរិះគន់ថា ដោយសារដុល្លារ ទើបឪពុកម្ដាយបង្ខំកូនស្រី។ យុវជនម្នាក់ក្នុងចំណោមនោះ បាន Comment ថា៖ “ខាងស្រីដឹងតាធ្វើការធ្ងន់ហើយ”។
ចុះប្រិយមិត្តយល់យ៉ាងណាដែរ?
No comments