ហួសចិត្ត ! នារីម្នាក់ដោយសារតែរវល់អោនចុចទូរស័ព្ទពេក ស្រាប់តែជួបប្រទះនឹងរឿងនឹកស្មានមិនដល់បែបនេះតែម្តង(មានវីឌីអូ)

ប្រទេសចិន ៖ នៅពេលបច្ចុប្បន្ននេះមនុស្សបានចាត់ទុកទូរស័ព្ទជាផ្នែកមួយនៃជីវិតរបស់ពួកគេ គេតែងតែចំនាយពេលជាច្រើនជាមួយវាមិនថាពេលធ្វើការ ពេលសម្រាក រឺនៅតាមផ្លូវនោះទេ។ ប្រភពព័ត៌មានរបស់ចិនមួយបានរាយការណ៍ពីករណីហួសចិត្តមួយ ស្រ្តីម្នាក់ដើរផុងជើងចូក្នុងគំរបលូទឹកដោយសារតែរវល់តែឈ្ងោកចុចទូរស័ព្ទពេក។ រឿងនេះបានកើតឡើងនៅលើផ្លូវដ៏សែនមមាញញឹករបស់ប្រទេសចិន ស្រ្តីវ័យ២០ឆ្នាំម្នាក់បែបជាត្រូវផុងជើងរបស់ខ្លួនជាមួយនឹងគំរបលូទឹកនៅតាមដងដផ្លូវនោះ។

 

តាមប្រភពដដែលបានអោយដឹងថាស្រ្តីម្នាក់នេះពាក់ស្បែកជើងកែងចោតដើរនៅលើផ្លូវមួយខ្សែនេះ ដោយសារតែរវល់តែអោនចុចទូរស័ព្ទភ្លេចខ្លួនធ្វើអោយនាងជាន់​ចំ​ចន្លោះ​របាគំរបលូទឹក។ បែបនេះហើយទើបធ្វើអោយជើងរបស់នាងផុងជាប់ជាមួយរបាគំរបនេះតែម្តងទៅ បុរសពីរនាក់ដែលបានដើរនៅលើផ្លូវនោះដែរបានឃើញហេតុការណ៍នេះក៏បានប្រញាប់ចូលមកជួយ ពួកគេបានរត់ទៅខ្ចីឧបក​រណ៍​មួយចំនួនពីហាងក្បែរនោះយកមកជួួយ។ បន្ទាប់ពីមានការខំប្រឹងប្រែងជួយយ៉ាងពេញទំហឹងរបស់បុរសពីនាក់នោះ ជើងរបស់នារីរងគ្រោះក៏ត្រូវបានគេជួយដកចេញពីក្នុងរបាគំរបលូនោះបានមកដោយសុវត្ថិភាព ដោយមិនមានរបួសអ្វីធ្ងន់ធ្ងរនោះទេ៕

 

ប្រភព ៖ newsyahoo