Wow នឹកស្មានមិនដល់មែន ! បុរសចំណាស់វ័យ៥៣ឆ្នាំជាបុគ្គលិកសម្អាតម្នាក់ បញ្ចេញក្បាច់រាំរបស់តារាប៉ុប Michael Jackson ឡើងកប់

ប្រទេសចិន ៖ ក្នុងសម័យនេះអាយុវាគ្រាន់តែជាតួលេខប៉ុណ្ណោះវាមិនអាចហាមឃាត់មនុស្សមិនអោយធ្វើអ្វីៗ ដែលជាចំណង់ចំណូលចិត្តរបស់ពួកគេដូចកាលពីសម័យមុនៗនោះទេ។ ប្រភពពត៌មានរបស់ចិនបានចុះផ្សាយរឿងរ៉ាវគួរអោយភ្ញាក់ផ្អើលមួយ ដែលបុរសវ័យ៥៣ឆ្នាំម្នាក់រាំនូវក្បាច់រាំរបស់តារាប៉ុបល្បីឈ្មោះលោក Michael Jackson បានយ៉ាងឡូយតែម្តង។ ប្រភពដដែលនេះបានអោយដឹងថាបុរសវ័យចំណាាស់ដែលកំពុងល្បីក្នុងបណ្តាញសង្គមនេះមានឈ្មោះ Wang Shijin មានវ័យ ៥៣ឆ្នាំធ្វើការជាអ្នកសម្អាតនៅក្នុងមជ្ឈមណ្ឌលអភិរក្សតន្ត្រី Shenyang ។

 

បើតាមសម្តីរបស់លោកតា Wang Shijin បានអោយដឹងថាគាត់បានឈ្លក់វង្វេងស្មារតីជាមួយនឹងក្បាច់រាំរបស់តារាប៉ុបលោក Michael Jackson កាលពីឆ្នាំ២០១០ ដោយសារតែឃើញគេចាក់ផ្សាយវានៅតាមទូរទស្សន៍។ ចាប់តាំងពីពេលនោះមកគ្មានអ្វីអាចរារាំងគាត់មិនអោយហាត់ក្បាច់រាំបែបនេះបាននោះទេ គាត់តែងតែព្យាយាមមើលនឹងធ្វើតាមកាយវិការរបស់តារាប៉ុបល្បីរូបនេះសឹងតែគ្រប់ពេល។ ហើយថ្មីៗនេះគាត់បានយកវាមកបញ្ចេញក្នុងកម្មវិធីមួយ អ្នកដែលបានឃើញការរាំរបស់គាត់ហើយពិតជាអត់នឹងសរសើរមិនបានមែនព្រោះវាពិតជាឡូយខ្លាំងណាស់៕ ខាងក្រោមជាវីដេអូ តោះទស្សនាទាំងអស់គ្នា ៖

 

 ប្រភព៖ China Plus News