ពិតជាអស្ចារ្យមែន ! ទង់ជាតិប្រទេសកម្ពុជា នឹងបង្ហាញនៅលើឆាកបវរកញ្ញាចក្រវាលជាលើកដំបូង

កញ្ញា ប៊ី សុធារី អាយុ១៩ឆ្នាំ ជាយុវតីខ្មែរដំបូង បានតំណាងប្រទេសកម្ពូជា ទៅប្រកួតសម្រស់ Miss Universe 2017 នៅសហរដ្ឋអាមេរិក។ យ៉ាងណាមិញវគ្គផ្តាច់ព្រ័តនឹងឈានចូលមកដល់នៅថ្ងៃទី២៦ ខែវិច្ឆិកា ខាងមុខនេះដោយនៅពេលបេក្ខភាពបវរកញ្ញាទាំង៩៣ប្រទេសចេញមកណែនាំខ្លួនគឺ ផ្ទាំង Screen នឹងបង្ហាញនៅទង់ជាតិប្រទេសនោះតែម្ដង។ ជាពិសេសទង់ជាតិកម្ពុជានឹងត្រូវបង្ហាញនៅពេល បវរកញ្ញាចក្រវាលកម្ពុជា ចេញមកណែនាំខ្លួននៅលើនៅលើឆាកបវរកញ្ញាចក្រវាល ជាលើកដំបូងដែលមានទស្សនិកជនទស្សនាជុំវិញពិភពលោកជាងមួយពាន់លាននាក់នៅពេលផ្សាយបន្តផ្ទាល់។

យ៉ាងណាមិញដើម្បីឲ្យ បវរកញ្ញាចក្រវាលកម្ពុជា ជាប់ទៅកាន់កំពូល១៦រូបចុងក្រោយ សូមជួយបោះឆ្នោតដោយការបោះឆ្នោតនេះមាន ២របៀប៖ ទី១ សូមចូលទៅកាន់តំណរភ្ជាប់នេះ https://missuniverse.votenow.tvរួចសូមស្វែងរករូបភាព បវកញ្ញាកម្ពុជា រួចធ្វើការ vote ដោយក្នុងមួួយថ្ងៃ បោះឆ្នោតបាន ១០ដង។ ចំណែកទី២ បោះឆ្នោតតាមរយៈ Twitter ដោយប្រិយមិត្តអ្នកមានគណនី Twitter ត្រូវសរសេរថា #MissUniverse #Cambodia អ្នកទាំងអស់គ្នាអាច Retweets (មានន័យថាស៊ែរ) ដដែលៗដោយមិនកំណត់។ គួរបញ្ជាក់ផងដែលថាការបោះឆ្នោតនេះមិនមានការបោះឆ្នោតនៅលើវេបសាយផ្សេងៗ និងនៅលើហ្វេសប៊ុកឡើយ ការបោះឆ្នោតចាប់ផ្តើមពីថ្ងៃទី២១ រហូតដល់ថ្ងៃទី ២៦ ខែវិច្ឆិកា៕