បុរសវៀតណាម សុខចិត្តចិញ្ចឹមទារក ជាង១០០នាក់ ក្រោយជួបរឿងមួយ នៅមន្ទីរពេទ្យ
ស្របពេលដែលមនុស្សពេញវ័យ ប្រលូករឿងរួមភេទមុនពេលរៀបការច្រើន ហើយគូស្វាមីភរិយាមួយចំនួន មានកូនដោយមិនបានរំពឹងទុក ធ្វើឲ្យចំនួនទារកដែលគេមិនចង់បាន កើនឡើងនៅជុំវិញពិភពលោក។ ចំពោះស្ត្រីមួយចំនួន ការរំលូតកូន គឺជាចម្លើយតែមួយគត់ សម្រាប់ដោះស្រាយបញ្ហារបស់ពួកគេ។
ការរំលូតកូន គឺស្របច្បាប់ និងជាសេវារបស់រដ្ឋាភិបាល នៅតាមបណ្ដាប្រទេសមួយចំនួន ដែលអាចរកបានតាមការស្នើសុំ។ ក្រៅពីការពន្យារកំណើត ជាទូទៅការរំលូតកូន គឺជាមធ្យោបាយមួយសម្រាប់ប្រទេសខ្លះ ដើម្បីទប់ស្កាត់ចំនួនប្រជាជន។ នៅតំបន់ភាគអាគ្នេយ៍ប្រទេសវៀតណាមវិញ អត្រានៃការរំលូតកូនគឺខ្ពស់ណាស់ រហូតដល់ទៅ ៨០ភាគរយ បើប្រៀបធៀបទៅនឹងបណ្ដាប្រទេសអាស៊ីដទៃទៀត។ ក្នុងចំណោមស្ត្រីវៀតណាម អត្រានៃការរំលូតកូន គឺ ៨៣នាក់ក្នុងចំណោម ១ ០០០នាក់ ហើយស្ត្រីវៀតណាមជាមធ្យមធ្វើការរំលូតកូន ២,៥នាក់ នៅក្នុងជីវិតនៃការបន្តពូជរបស់ពួកគេ។
លោក Tong Phuoc Phuc ដែលជាអ្នកម៉ៅការសំណង់ ជនជាតិវៀតណាម មិនអាចទប់អារម្មណ៍របស់ខ្លួនបានទេ នៅពេលឃើញម្ដាយវ័យក្មេង បោះបង់កូនចោលនៅមន្ទីរពេទ្យមួយកន្លែង ដែលលោកបានស្នាក់នៅជាមួយប្រពន្ធ កាលពីឆ្នាំ២០០១។ លោកបានឃើញស្ត្រីមានផ្ទៃពោះ ដើរចូលទៅក្នុងបន្ទប់មួយ រួចដើរចេញមកវិញ ទាំងក្បាលពោះរាបស្មើ ប៉ុន្តែមិនមានទារកមកជាមួយឡើយ។ ភ្លាមនោះ លោក Tong បានដឹងថា ស្ត្រីទាំងនោះមកដើម្បីរំលូតកូន។ មិនយូរប៉ុន្មាន លោក Tong បានសម្រេចចិត្តធ្វើទង្វើដ៏គួរឲ្យភ្ញាក់ផ្អើលមួយ។
អ្នកម៉ៅការសំណង់រូបនេះ បានស្នើសុំអាជ្ញាធរវៀតណាម ដើម្បីអនុញ្ញាតឲ្យខ្លួន អាចបញ្ចុះសពយ៉ាងសមរម្យដល់ទារកដែលគេរំលូតចោល។ នៅពេលដែលរដ្ឋាភិបាលវៀតណាម បានអនុញ្ញាតឲ្យលោកធ្វើដូច្នេះ លោក Tong បានជ្រើសរើសកន្លែងមួយ នៅលើកំពូលភ្នំ ដែលមានឈ្មោះថា Hon Thom ស្ថិតនៅក្នុងទីក្រុង Nha Trang ដោយលោកបានបញ្ចុះសពទារក ជាង ១០ ០០០នាក់ហើយ ក្នុងរយៈពេល ១៥ឆ្នាំមកនេះ។
ទង្វើរបស់លោក Tong បានជំរុញឲ្យស្ត្រីជាច្រើន ស្នើសុំឲ្យលោកជួយ។ ជំនួសឲ្យការរំលូត និងបោះបង់ទារកចោល ពួកគេបានស្នើសុំឲ្យលោក Tong មើលថែរក្សាទារកទាំងនោះជំនួសវិញ។ ដំបូងឡើយ លោក Tong មានការស្ទាក់ស្ទើរខ្លាំងណាស់ ដោយដឹងថា ខ្លួនមិនមែនជាអ្នកមានទ្រព្យសម្បត្តិ ហើយការថែរក្សាកូនក្មេងរាប់រយនាក់ មិនមែនជារឿងងាយស្រួលឡើយ។
យ៉ាងណាមិញ បន្ទាប់ពីរឿងរ៉ាវរបស់លោក Tong ត្រូវបានរីករាលដាលពាសពេញប្រទេសវៀតណាមមក មានមនុស្សជាច្រើនបានជួយដល់លោក Tong ដើម្បីអាចបន្តមើលថែរក្សា និងចិញ្ចឹមបីបាច់កុមារទាំងនោះ។ បច្ចុប្បន្ននេះ លោកជាឪពុកកូនក្មេងជាង ១០០នាក់៕
ការរំលូតកូន គឺស្របច្បាប់ និងជាសេវារបស់រដ្ឋាភិបាល នៅតាមបណ្ដាប្រទេសមួយចំនួន ដែលអាចរកបានតាមការស្នើសុំ។ ក្រៅពីការពន្យារកំណើត ជាទូទៅការរំលូតកូន គឺជាមធ្យោបាយមួយសម្រាប់ប្រទេសខ្លះ ដើម្បីទប់ស្កាត់ចំនួនប្រជាជន។ នៅតំបន់ភាគអាគ្នេយ៍ប្រទេសវៀតណាមវិញ អត្រានៃការរំលូតកូនគឺខ្ពស់ណាស់ រហូតដល់ទៅ ៨០ភាគរយ បើប្រៀបធៀបទៅនឹងបណ្ដាប្រទេសអាស៊ីដទៃទៀត។ ក្នុងចំណោមស្ត្រីវៀតណាម អត្រានៃការរំលូតកូន គឺ ៨៣នាក់ក្នុងចំណោម ១ ០០០នាក់ ហើយស្ត្រីវៀតណាមជាមធ្យមធ្វើការរំលូតកូន ២,៥នាក់ នៅក្នុងជីវិតនៃការបន្តពូជរបស់ពួកគេ។
លោក Tong Phuoc Phuc ដែលជាអ្នកម៉ៅការសំណង់ ជនជាតិវៀតណាម មិនអាចទប់អារម្មណ៍របស់ខ្លួនបានទេ នៅពេលឃើញម្ដាយវ័យក្មេង បោះបង់កូនចោលនៅមន្ទីរពេទ្យមួយកន្លែង ដែលលោកបានស្នាក់នៅជាមួយប្រពន្ធ កាលពីឆ្នាំ២០០១។ លោកបានឃើញស្ត្រីមានផ្ទៃពោះ ដើរចូលទៅក្នុងបន្ទប់មួយ រួចដើរចេញមកវិញ ទាំងក្បាលពោះរាបស្មើ ប៉ុន្តែមិនមានទារកមកជាមួយឡើយ។ ភ្លាមនោះ លោក Tong បានដឹងថា ស្ត្រីទាំងនោះមកដើម្បីរំលូតកូន។ មិនយូរប៉ុន្មាន លោក Tong បានសម្រេចចិត្តធ្វើទង្វើដ៏គួរឲ្យភ្ញាក់ផ្អើលមួយ។
អ្នកម៉ៅការសំណង់រូបនេះ បានស្នើសុំអាជ្ញាធរវៀតណាម ដើម្បីអនុញ្ញាតឲ្យខ្លួន អាចបញ្ចុះសពយ៉ាងសមរម្យដល់ទារកដែលគេរំលូតចោល។ នៅពេលដែលរដ្ឋាភិបាលវៀតណាម បានអនុញ្ញាតឲ្យលោកធ្វើដូច្នេះ លោក Tong បានជ្រើសរើសកន្លែងមួយ នៅលើកំពូលភ្នំ ដែលមានឈ្មោះថា Hon Thom ស្ថិតនៅក្នុងទីក្រុង Nha Trang ដោយលោកបានបញ្ចុះសពទារក ជាង ១០ ០០០នាក់ហើយ ក្នុងរយៈពេល ១៥ឆ្នាំមកនេះ។
យ៉ាងណាមិញ បន្ទាប់ពីរឿងរ៉ាវរបស់លោក Tong ត្រូវបានរីករាលដាលពាសពេញប្រទេសវៀតណាមមក មានមនុស្សជាច្រើនបានជួយដល់លោក Tong ដើម្បីអាចបន្តមើលថែរក្សា និងចិញ្ចឹមបីបាច់កុមារទាំងនោះ។ បច្ចុប្បន្ននេះ លោកជាឪពុកកូនក្មេងជាង ១០០នាក់៕
No comments