ដល់ថ្នាក់នឹងផង ! លោក ឃីម សុខហេង ប្រកាសផ្តល់រង្វាន់ដល់ ច័ន្ទ ម៉ាលីស ម្ចាស់បទ«កុំដៀលព្រៃវែង»(មានវីឌីអូ)

ភ្នំពេញ៖ នាយកវិទ្យាស្ថានសិក្សាដើម្បីជោគជ័យ លោក ឃីម សុខហេង បានប្រកាសផ្តល់រង្វាន់ដល់អ្នកនិពន្ធ និង អ្នកចម្រៀង ដែលបានបង្កើតបទចម្រៀង «កុំដៀលព្រៃវែង» ។ លោក ឃីម សុខហេង បានសរសេរនៅលើបណ្តាញសង្គមហ្វេសប៊ុកកាលពីថ្ងៃទី២៩ ខែតុលា ឆ្នាំ២០១៧ នេះថា សូមប្រកាសរកអ្នកនិពន្ធ និងអ្នកច្រៀង ដើម្បីជូនរង្វាន់លើកទឹកចិត្ត ។

ការប្រកាសជាងមួយខែទៅហើយ ទើបតែនៅថ្ងៃទី៦ ខែធ្នូ ឆ្នាំ២០១៧ នេះ បានសាមីខ្លួន ដែលជាម្ចាស់បទ «កុំដៀលព្រៃវែង» ឃើញ ដោយសម្តែងអារម្មណ៍សប្បាយរីករាយចំពោះអ្វីដែល លោក ឃីម សុខហេង បានប្រកាស។

ច័ន្ទ ម៉ាលីស បានថ្លែងប្រាប់ Dailyreport.media នៅថ្ងៃនេះថា ខ្ញុំពិតជាសប្បាយរីករាយយ៉ាងក្រៃលែង ដែលវាគ្មិន និងជានាយកវិទ្យាស្ថានសិក្សាដើម្បីជោគជ័យ លោក ឃីម សុខហេង បានប្រកាសស្វែងរកនាងខ្ញុំ និងអ្នកនិពន្ធដើម្បីជូនរង្វាន់ ។ ម្ចាស់បទ កុំដៀលព្រៃវែង បន្តថា ពិតជាមានមោទនភាពខ្លាំង ហើយក៏មិនដឹងថា និយាយអ្វីអោយត្រូវដែរពេលនេះ ។ បទ កុំដៀលព្រៃវែង ទើបតែចេញ MV កាលពីថ្ងៃទី៤ ខែធ្នូ ឆ្នាំ២០១៧ ដោយទទួលបានការគាំទ្រយ៉ាងខ្លាំង លើបណ្តាញសង្គម ហ្វេសប៊ុក ។

គួរបញ្ជាក់ផងដែរថា លោក ឃីម សុខហេង ជាវាគ្មិនពិសេសមួយរូប ដែលតែងតែបង្ហាញពីគន្លឹះជោគជ័យ ទៅកាន់មនុស្សជាច្រើន ធ្វើយ៉ាងណាអោយជោគជ័យក្នុងជីវិត៕ ទស្សនាបទ កុំដៀលព្រៃវែង ដូចខាងក្រោមនេះ៖