ច័ន្ទ ម៉ាលីស ចេញបទ «កុំដៀលព្រៃវែង»Full Mv ភ្លាមធ្វើឱ្យកក្រើកភ្លែត ! ( មានវីដេអូ )

ថ្វីត្បិតតែមិនមែនជាតារាចម្រៀងដែលមានឈ្មោះល្បីល្បាញ តែក្រោយពី ច័ន្ទ ម៉ាលីស ចេញបទចម្រៀងដែលមានចំណងជើងថា «កុំដៀលព្រៃវែង» បានធ្វើឱ្យមានការចាប់អារម្មណ៍យ៉ាងខ្លាំងពីសំណាក់ទស្សនិកជន ជាពិសេសមានអ្នកចូលមើលយ៉ាងច្រើនកុះករ ។

បទចម្រៀងរបស់ ច័ន្ទ ម៉ាលីស ដែលមានចំណងជើងថា «កុំដៀលព្រៃវែង» គឺច្រៀងរៀបរាប់ពីការមើលងាយនារីខេត្តព្រៃវែង ដែលចាក់ដោតអារម្មណ៍ទស្សនិកជនយ៉ាងខ្លាំងពីអត្ថន័យ និង ទឹកដមសំឡេងដ៏ក្រអួនក្រអៅរបស់តារាស្រីម្នាក់នេះ ។

ច័ន្ទ ម៉ាលីស គឺជាអ្នកខេត្តព្រៃវែងស្រាប់ ដូច្នេះនាងបញ្ចូលមនោសញ្ចេតនាទៅក្នុងបទចម្រៀងនេះបានយ៉ាងល្អ ហើយនាងសង្ឃឹមថាបទចម្រៀងនេះកាន់តែធ្វើឱ្យទស្សនិកជនចាប់អារម្មណ៍ច្រើន ។ បទចម្រៀងមួយបទនេះមិនស្ថិតនៅក្នុងផលិតកម្មចម្រៀងណាមួយនោះទេ គឺ ច័ន្ទ ម៉ាលីស ផលិតឡើងដោយខ្លួនឯងផ្ទាល់ ទាំងការចំណាយផលិត និង ថតជា MV ដោយសារនាងមិនចង់ស្ថិតនៅក្រោមចំណុះផលិតកម្មណាមួយនោះទេ ដោយសារកន្លងមកនាងធ្លាប់ចាកចេញពីផលិតកម្មមួយ ក្រោយពីមានបញ្ហានឹងគ្នា ។

បទចម្រៀង «កុំដៀលព្រៃវែង» ពិតជាមានការគាំទ្រច្រើនពីសំណាក់ទស្សនិកច្រើនហួសពីការរំពឹងទុក គ្រាន់តែ ច័ន្ទ ម៉ាលីស បញ្ចូលបទចម្រៀងនេះទៅលើហ្វេសប៊ុក ភ្លាម មានអ្នកចូលទស្សនាយ៉ាងច្រើនកុះករ ។