សង្វេកខ្លាំងណាស់ ! សមត្ថកិច្ច ចុះទៅបង្ក្រាបកន្លែងជល់មាន់ បាញ់ត្រូវបុរសម្នាក់ស្លាប់ភ្លាមៗ (មានវីដេអូ)

ភ្នំពេញ ៖ កម្លាំងសមត្ថកិច្ចចម្រុះខណ្ឌពោធិសែនជ័យ បានចុះបង្ក្រាបទីតាំងជល់មាន់ និងល្បែងស៊ីសងមួយកន្លែង នៅខាងក្រោយផ្សារកាណាស៊ីធី ដោយមានការផ្ទុះអាវុធ ហើយគ្រាប់កាំភ្លើងបានផ្លាតទៅត្រូវប្រជាពលរដ្ឋម្នាក់នៅលើផ្ទះជួលបណ្តាលឱ្យស្លាប់ភ្លាមៗ នៅកន្លែងកើតហេតុ ម៉ោង១០ព្រឹក ថ្ងៃទី២១ ខែមករា ឆ្នាំ២០១៨ ខាងក្រោយផ្សារកាណាស៊ីធី ភូមិចោមចៅ ស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ។

បើតាមសមត្ថកិច្ចបានឲ្យដឹងថា ជនរងគ្រោះ ឈ្មោះ សៀក រ៉ន ភេទប្រុស អាយុ៣៣ឆ្នាំ មុខរបរ កម្មកររោងចក្រ មានស្រុកកំណើតនៅខេត្តកំពង់ស្ពឺ បច្ចុប្បន្នស្នាក់នៅបន្ទប់ជួល ក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ ។

បើតាមប្រពន្ធជនរងគ្រោះឈ្មោះ ណុប ផានី បានប្រាប់គេហទំព័រក្នុងស្រុកអោយដឹងថា ជនរងគ្រោះបានមកពីហូបកាហ្វេ ហើយក៍ឡើងទៅបន្ទប់ជួលរបស់គាត់ និងបានអឺតមើលគេជល់មាន់ ពេលនោះ ស្របពេលដែលនគរបាលចុះបង្រាបអ្នកជល់មាន់ ក៏បានបាញ់ឡើងទៅលើជាច្រើនគ្រាប់ ក៏បណ្ដាលអោយត្រូវប្តីគាត់ ចំបំពង់កមួយកន្លែងនិងកដៃស្ដាំមួយកន្លែង ហើយគាត់(ប្រពន្ធជនរងគ្រោះ)

បានហៅរថយន្ដពេទ្យ សម្ពពអង្គរ ដឹកទៅសង្គ្រោះបានប្រហែលជាប្រាំនាទី ប្តីគាត់ក៏បានដាច់ខ្សល់ស្លាប់នៅក្នុងរថយន្តតែម្ដង។បច្ចុប្បន្នសពតម្កល់នៅវត្តពោធិចិនតុងរង់ចាំក្រុមគ្រួសារយកទៅធ្វើបុណ្យ ។

ចំណែកអ្នកបាញ់ មិនត្រូវបានគេបង្ហាញអត្តសញ្ញាណនោះទេ ហើយក៍មិនដឹងថាតើមានការឃាត់ខ្លួនប៉ូលិសដែលបាញ់នោះ ឬក៍យ៉ាងណាទេ ហើយតើនរណាជាអ្នកទទួលខុសត្រូវចំពោះឧប្ទវហេតុនេះ ៕