គូស្នេហ៍តារាល្បី ៥គូដែលចេញកើបលុយកន្លែងណាផ្អើលគេផ្អើលឯងកន្លែងនោះ

បច្ចុប្បន្ននេះគូស្នេហ៍តារាថៃជាច្រើនគូបានបើកចំហពីទំនាក់ទំនងស្នេហារបស់ពួកគេ ដែលមិនត្រឹមតែតែងបង្ហាញភាពផ្អែមល្ហែម តែថែមទាំងដឹកដៃគ្នាចេញកើបលុយបានច្រើនសន្ធឹកសន្ធាប់ទៀតនៅតាមកម្មវិធីផ្សព្វផ្សាយ ឬសម្ពោធផលិតផលផ្សេងៗ។ បើទោះជាតម្លៃខ្លួនមួយគូៗមិនក្រោមម៉ឺនដុល្លារក៏ដោយ ក៏ម្ចាស់កម្មវិធីមិនខ្លាចនឹងអញ្ជើញពួកគេមកឡើយ ព្រោះពេលចេញមុខម្ដងៗតែងមានអ្នកគាំទ្រមកទស្សនាឡើងណែនៗផ្សារ និងត្រូវបានចុះផ្សាយលើសារព័ត៌មានស្ទើរតែគ្រប់វេបសាយថែមទៀត។ ខាងក្រោមនេះនឹងបង្ហាញពីគូស្នេហ៍តារាថៃ ៥គូដែលមានអ្នកគាំទ្រច្រើនបំផុតពេលពួកគេចេញមុខតាមកម្មវីធីនានា៖

១. Weir និង Bella ក្រោយពីបង្ហាញពីទំនាក់ទំនងបន្តិចម្ដងៗអស់មួយរយៈធំ កាលពីថ្ងៃទី២៣ ខែវិច្ឆិកា កន្លងទៅនេះ តារាសម្ដែង Weir និង Bella បានដឹកដៃគ្នាចេញមុខតាមកម្មវិធីជាលក្ខណៈគូលើកដំបូង ដែលធ្វើឲ្យអ្នកគាំទ្រមកទស្សនាឡើងណែនផ្សារ ហើយនៅថ្ងៃនោះ Hastag #weirbella ក៏បានជាប់ជា hastag ពេញនិយមបំផុតលើ twitter ប្រទេសថៃ។

២. Nadech និង Yaya អាចនិយាយបានថាជាគូស្នេហ៍ និងគូសម្ដែងលំដាប់មុខមួយគូប្រចាំប្រទេសថៃទៅហើយសម្រាប់ Nadech និង Yaya។ ក្រៅពីធ្វើអ្នកតំណាងផលិតផលទាំងគូជាច្រើន តារាទាំងពីរក៏បានដឹកដៃគ្នាបង្ហាញមុខតាម Event ច្រើនដែរ ហើយពេលបង្ហាញខ្លួនម្ដងណាគឺដឹងតែមានអ្នកគាំទ្រមកទស្សនាណែនៗតែម្ដង។

៣. Mark និង Kimmy សម្រាប់មួយគូនេះវិញ គឺអាចហៅថាជាគូស្នេហ៍ផ្អែមល្ហែមបំផុត និងតែងចេញមុខតាមកម្មវិធីនានារួមគ្នាជាញឹកញាប់។ នៅពេលបង្ហាញមុខម្ដងៗ Fan club របស់ពួកគេមកផ្ដល់កម្លាំងចិត្តឡើងណែនណាន់តាន់តាប់រាល់លើក។

៤. Peach និង Pat គូស្នេហ៍តារាយុវវ័យ Peach Pachara និង Pat Ricia បើទោះបីទើបប្រកាសពីទំនាក់ទំនងថ្មីៗនេះប៉ុន្តែពិតជាផ្អែមល្ហែមនឹងគ្នាមែនទេន ដោយអ្នកទាំងពីរតែជួយទៅគាំទ្រការងាររបស់គ្នាទៅវិញទៅមក ទាំងថតម៉ូដ ដើរបង្ហាញម៉ូដ និងចេញមុខតាមកម្មវិធីផ្សេងៗ ហើយក៏តែងទទួលបានការចាប់អារម្មណ៍ច្រើនដែរពីសំណាក់អ្នកគាំទ្រ។

៥. Taew និង Ton គូស្នេហ៍ស្រឡាញ់គ្នាជាង ១ទសវត្សតែមិនទាន់រៀបការ Taew Natapohn និងមិត្តប្រុស Ton Asha ក៏តែងបង្ហាញភាពផ្អែមល្ហែមជាមួយគ្នាមិនធម្មតាដែរ ហើយអ្នកទាំងពីរធ្លាប់ចេញមុខតាមកម្មវិធីជាមួយគ្នា ដោយបានទាក់ទាញចំណាប់អារម្មណ៍អ្នកគាំទ្រជាច្រើន ៕